Gəncə Dövlət Universitetinin (GDU) Sosial fənlər kafedrasının müəllimi Ramin Əliyevin ingilis dilində tədris etdiyi dərs izləyicilərin diqqətini çəkib.
Gencexeber.az bildirir ki, dərslə bağlı kadrları o, sosial şəbəkə hesabında paylaşıb və qısa zamanda 127 min nəfər tərəfindən izlənilib.
Belə ki, R.Əliyev sosiologiya fənnini tədris edərkən ingilis dilində təhsil alan şagirdlər üçün mövzunu bu dildə izah edib. Onun ingilis dilində səlis nitqi izləyicilər tərəfindən alqışlanıb.
Qeyd edək ki, Ramin müəllim 1978-ci ildə Kəlbəcərdə anadan olub. Bakı Dövlət Universitetininin "Beynəlxalq münasibətlər və beynəlxalq hüquq" fakültəsini bitirib. Müxtəlif vəzifələrdə çalışan R.Əliyev 2018-ci ildən Gəncə Dövlət Universitetinin Tarix-Coğrafiya fakültəsinin Sosial fənlər kafedrasının müəllimidir.
