Gəncədə su təchizatı ilə bağlı ciddi problem yaşanıb.
Redaksiyamıza sakinlər tərəfindən daxil olan çoxsaylı şikayətlər şəhərin Heydər Əliyev, Nizami Gəncəvi və Atatürk prospektləri, eləcə də yanaşı ərazilərlə bağlıdır. Belə ki, şəhərin mərkəzində iki gündür su təchizatı dayandırılıb.
Gencexeber.az-ın məlumatına görə, Nizami prospektindən keçən magistral xətdə iri kommunal qəza baş verib. “Azərsu” ASC-dən bildirilib ki, boru ancaq bu gün səhər saatlarında təmir edilib.
Qurumdan əlavə edilib ki, hazırda sözügedən ərazidə suyun verilişi mərhələli şəkildə bərpa edilir.
