Azərbaycan Yerüstü Nəqliyyat Agentliyi (AYNA) tərəfindən bu gün Gəncədən Şuşa şəhərinə müntəzəm avtobus reysi istifadəyə verilib. İlk sərnişinlər isə şəhid ailələri və Vətən müharibəsi iştirakçıları olmaqla 40-a yaxın şəxs yola düşüb.
Gencexeber.az bildirir ki, əsas məqsəd “Böyük Qayıdış” Proqramı çərçivəsində işğaldan azad edilmiş ərazilərdə məskunlaşan vətəndaşlara keyfiyyətli nəqliyyat xidmətlərinin göstərilməsi, habelə Qarabağ və Şərqi Zəngəzur iqtisadi rayonlarının ölkənin nəqliyyat sisteminə inteqrasiyasının təmin olunmasıdır.
Reyslər Gəncə Beynəlxalq Avtovağzalından hər gün saat 08:00-dan hərəkət edəcək. Şuşa şəhərindən Gəncəyə isə 14:45-də həyata keçiriləcək. Bu reys üzrə Tərtər, Xocalı və Xankəndi şəhərləri aralıq məntəqələr olaraq müəyyən edilib.
Qeyd edək ki, biletləri əldə edərkən işğaldan azad olunmuş ərazilərə girişlə bağlı buraxılış qaydalarına uyğun olaraq icazələrin olması mütləqdir.
