Gəncədə iri müsabiqəyə start veriləcək.
Gencexeber.az məlumat verir ki, Azərbaycan Texnologiya Universitetinin təşkilatçılığı, Təhsilin İnkişafı Fondunun və Azərbaycan Respublikasının Gənclər Fondunun dəstəyi, "Səhliyalı" şirkətinin sponsorluğu ilə "GreenTech II" Startap və Yaşıl Texnologiyalar" müsabiqəsi başlayır.
Müsabiqə Azərbaycan Texnologiya Universitetinin 55 illiyi çərçivəsində təşkil olunur. Yarışın final mərhələsi 17 aprel 2025-ci il tarixində Gəncə şəhərində adıçəkilən təhsil ocağında baş tutacaq.
Tələbələr qeydiyyat, eləcə də müsabiqənin kateqoriyaları ilə bağlı ətraflı məlumat əldə etmək üçün QR kod və ya atu.edu.az/greentech linkindən istifadə edə bilərlər.
Qeydiyyat 17.02.2025-ci tarixindən başlayacaq və 07.04.2025-ci il tarixinədək davam edəcək. Bütün ali təhsil müəssisələrinin tələbələri müsabiqədə iştirak etməyə dəvət edilir.
Qeyd edək ki, tələbələr üçün Bakıdan Gəncəyə və əks istiqamətə transfer təşkil olunacaq.
