Gəncədə 1 mart - Ümumdünya Mülki Müdafiə Gününə həsr olunmuş silsilə tədbirlər keçirilib.
Gencexeber.az Gəncə Şəhər İcra Hakimiyyətinə istinadən məlumat verir ki, tədbirlər qurumun Gəncə Şəhər İcra Hakimiyyətinin 2025-ci il üçün Mülki müdafiə planına əsasən illik Tədbirlər Planına uyğun olaraq, Gəncə Şəhər İcra Hakimiyyətinin və Fövqəladə Hallar Nazirliyinin Gəncə Regional Mərkəzinin birgə təşkilatçılığı ilə baş tutub.
FHN əməkdaşları insanların təhlükəsizliyinin təmin olunması, o cümlədən təbii və texnogen xarakterli fövqəladə hallar zamanı əhalinin mühafizəsinin xüsusi əhəmiyyəti haqqında məlumatlarla çıxış ediblər.
Daha sonra FHN-nin balansında olan texnika və avadanlıqların nümayişi olunub. Sərgidə texnika və avadanlıqlar haqqında geniş məlumat verilib.
Xatırladaq ki, Beynəlxalq Mülki Müdafiə Təşkilatı Baş Məclisin qərarı ilə 1972-ci ildən etibarən hər il martın 1-i bu təşkilata üzv olan ölkələrdə Ümumdünya Mülki Müdafiə Günü”kimi qeyd edilir. Azərbaycan bu nüfuzlu beynəlxalq təşkilata 1993-cü ildə daxil olub.
