Gəncə şəhər Mənzil Kommunal Təsərrüfatı İstehsalat Birliyi tərəfindən şəhərin müxtəlif ərazilərində istismar müddətini başa vuran, köhnə, sıradan çıxmış və vətəndaşlar tərəfindən yandırılaraq yararsız hala salınan zibil konteynerləri yenilərilə əvəzlənir.
Gencexeber.az bildirir ki, qurumun xüsusi texnikaları vasitəsilə yeni konteynerlər Adil xan Ziyadxanov küçəsində, 29 saylı orta məktəbin ətrafında, İsmət Qayıbov küçəsində yerləşən "Köhnə Səbiskar" adlanan qəbiristanlığın qarşısında, Nəriman Nərimanov prospektində və Əziz Əliyev küçəsində təyin olunan ərazilərə yerləşdirilib. Adıçəkilən ünvanlar 15 ədəd yeni konteynerlə təmin edilib və proses davamlı olaraq həyata keçiriləcək.
MKTİB əhali və qeyri əhali qrupuna müraciət edərək bildirib ki, yeni və mövcud konteynerlərin daxilində, həmçinin ətrafında zibil yandırmasınlar:
Ж“Bu kimi neqativ hallar ətraf ərazinin tüstü ilə çirkləndirilərək vətəndaşların haqlı narazılığına səbəb olmaqla yanaşı, həmçinin konteynerlərin zədələnərək vaxtından əvvəl sıradan çıxmasına gətirib çıxarır. Bu kimi hallara yol verənlər aşkar olunduqca onlar barəsinə qanunvericiliyin tələblərinə uyğun olaraq inzibati tədbirlər görüləcəkdir”.
[caption id="attachment_73782" align="alignnone" width="696"]
[/caption]
[caption id="attachment_73781" align="alignnone" width="696"]
[/caption]
[caption id="attachment_73780" align="alignnone" width="696"]
[/caption]
