Xəbər verdiyimiz kimi, Gəncənin Dədə Qorqud və Rəfiqə Əliyeva küçələrinin kəsişməsində işıqfor bir həftə işləməyib.
Gencexeber.az məlumat verir ki, sözügedən ərazidə çalışmayan yol tənzimləyicisi haqda məsələ işıqlandırıldıqdan bir neçə saat sonra işıqforun fəaliyyəti bərpa edilib.
Qeyd edək ki, işıqforun işləməməsi sürücülər və piyadaların ciddi narazılığına səbəb olub. Nəqliyyatın sıx hərəkəti ilə seçilən bu ərazidə mümkün qəzaların yaranma ehtimalı da xeyli artmışdı. Həmçinin piyadalar yolu keçmək üçün uzun müddət gözləməli olurdular.
