Əvvəlki illərdə ümumi təhsil müəssisələrini ümumi orta (IX) və tam orta (XI) təhsil səviyyələri üzrə başa vura bilməyən şəxslər üçün eksternat qaydada aralıq imtahanı keçiriləcək.
Gencexeber.az bildirir ki, bu barədə Gəncə-Daşkəsən Regional Təhsil İdarəsi məlumat yayıb.
Qeyd olunub ki, eksternat qaydada aralıq imtahanı 26 yanvar saat 09:30-da Gəncə şəhər 29 nömrəli tam orta məktəbdə keçiriləcək. İmtahanda yalnız əvvəlcədən qeydiyyatdan keçmiş sənədlərin düzgünlüyü yoxlanıldıqdan sonra SMS bildiriş göndərilmiş namizədlər iştirak edə bilərlər.
Əlavə olunub ki, sərbəst (eksternat) təhsilalma formasının tətbiqi müxtəlif səbəblərdən ümumi orta və ya tam orta təhsil səviyyəsini başa vura bilməmiş şəxslərə bu səviyyələr üzrə buraxılış imtahanı verib müvafiq təhsil sənədi almaq üçün şərait yaratmaq məqsədi daşıyır.
