Gəncədə avtobus sürücüsünün kobud və intizamsız davranışı sərnişinləri qəzəbinə tuş gəlib.
Gencexeber.az-a daxil olan şikayətə əsasən, Gəncədə 4 saylı avtobusun sərnişinlərinin narazılığına səbəb olan insident baş verib. Mənbənin sözlərinə görə, nəqliyyat vasitəsi sürücüsünün iş başında siqaret çəkməsi ictimai davranış qaydalarının açıq şəkildə pozulmasıdır.
Bildirilib ki, üstəlik, o, yalnız siqaret çəkməklə kifayətlənməyib, eyni zamanda sükan arxasında bir neçə nəfərlə mobil telefon vasitəsilə konfrans zəngi üsulu ilə danışıb. Sürücü sözügedən hərəkətlərdən narazı qalan sərnişinlərin iradına kobud şəkildə “Get, kimə deyirsən, de” cavabı da verib.
