Gəncədə 20 Yanvar faciəsinə həsr olunan yarış keçirilib.
Gencexeber.az məlumat verir ki, Qrapplinq güləşi üzrə Gəncə şəhərinin açıq birinciliyi keçirilib. Çempionat 20 Yanvar faciəsində şəhidlik zirvəsinə ucalan vətənimizin qəhrəman övladlarının xatirəsinə həsr olunub.
Yarışda 150-yə yaxın idmançı iştirak edib. Onlar Gəncə, Bakı, Zaqatala, Ağcabədi, Şəmkir, Göygöl və s. şəhər və rayonları təmsil ediblər.
Çempionat Azərbaycan MMA və Grappling Federasiyasının Qərb bölgəsi üzrə təmsilçisi və baş məşqçisi, beynəlxalq dərəcəli hakim, dünya çempionu Səbuhi Məmmədov tərəfindən təşkil olunub. Turnir adıçəkilən qurumun rəhbəri Azad Əsgərovun, eləcə də Gəncə-Daşkəsən Regional Gənclər və İdman İdarəsinin rəisi Elvin Quliyevin dəstəyi ilə baş tutub.
