Gəncə, Göygöl və Tovuzda yanğınlar olub.
Gencexeber.az Fövqəladə Hallar Nazirliyinə (FHN) istinadən məlumat verir ki, Gəncədə ümumi sahəsi 45 m² olan plastik tara istehsalı sexində 8 m² sahədə yığılan plastik taralar alışıb.
Tovuz şəhərində isə ümumi sahəsi 72 m² olan köməkçi tikilinin dam örtüyünün yanar konstruksiyaları, tavanı 15 m² sahədə və bitişik ümumi sahəsi 225 m² olan birmərtəbəli 6 otaqlı evin dam örtüyünün taxta atmaları 1 m² sahədə yanıb.
Həmçinin Göygöl rayonunun Qırıqlı kəndində ümumi sahəsi 220 m² (hər mərtəbəsi 110 m²) olan zirzəmidən ibarət birmərtəbəli 8 otaqlı evin yanar konstruksiyaları, bitişik ümumi sahəsi 130 m² olan talvarın taxta atmaları və bitişik tikilinin damına yığılan 300 kiloqram ot bağlaması yanıb.
Hər üç hadisə zamanı ərazilərə FHN-nin yanğından mühafizə bölmələri cəlb edilib. Alovun tikililərin qalan hissələrinə keçməsinin qarşısı alınıb.
