Gəncədə bu küçənin sakinləri avtomobillərdən şikayət edirlər.
Gencexeber.az məlumat verir ki, Xudatbəy Rəfibəyli küçəsinin sakinləri narazılıq edir. Buna səbəb ərazi ilə yüksək sürətlə hərəkət edən avtomobillərin piyadalar üçün ciddi təhlükəyə çevrilməsidir.
Burada dəfələrlə qəzalar da baş verib. Hətta bir neçə dəfə maşınlar sakinləri də vurub. Vətəndaşlar lazımi yol nişanlarının quraşdırılması və avtomobillərin sürət həddinin azaldılmasını tələb edirlər:
“Daha nə edəcəyimizi bilmirik! Küçəmizdən maşınlar elə sürətlə keçir ki, bayıra çıxmağa qorxuruq. Bu küçədə sürət azaldılmalıdır, əks halda kimsə yenə zərər görəcək. Biz bu məsələyə dair təcili tədbir görülməsini tələb edirik”.
