Xəbər verdiyimiz kimi, iki gün öncə Goranboyda intihar hadisəsi baş vermişdi.
Qafqazinfo.аz xəbər verir ki, intiharın təfərrüatı məlum olub.
Asəf Xanmuradovun qayınatası Kamal Əkbərov və qayınanası Aidə Əkbərova 50 gün əvvəl burada dəm qazından boğularaq ölüblər.
Şənbə günü isə Asəf evdən işə getmək adı ilə çıxıb. Lakin işə getməyərək qayınatasıgilin evinə yola düşüb və oradan qohumlarının telefonuna lokasiya göndərib. Bundan sonra A.Xanmuradovdan xəbər almaq mümkün olmayıb. Qohumları və ailə üzvləri Goranboyun Nizami kəndindəki ünvana gedərək Asəfin həyətdəki çardaqdan asılı halda qalmış meyitini aşkar ediblər.
Bildirilir ki, 40 yaşlı Asəf Xanmuradovun bir qardaşı da illər öncə işlədiyi çoxmərtəbəli binadan yıxılaraq ölüb.
Araşdırmalar davam etdirilir.
21 dekabr. 22:37
Goranboyda intihar hadisəsi baş verib.
Gencexeber.az-ın əldə etdiyi məlumata əsasən, əslən Kəlbəcərdən olan A.M. Gəncədə qaçqın və məcburi köçkünlərin məskunlaşdığı binalardan birində yaşayırmış.
Bu gün isə Goranboyun Nizami kəndində qalan qayınatasıgilə gedib, orda da özünü asaraq öldürüb.
Hadisənin hansı səbəbdən baş verdiyi məlum deyil.
