Xəbər verdiyimiz kimi, “Azərbaycan Hava Yolları” aviaşirkətinə məxsus J2-8243 nömrəli “Embraer 190” təyyarəsinin Bakı-Qroznı reysini yerinə yetirərkən Aktau şəhəri yaxınlığında qəzaya uğraması ilə əlaqədar Azərbaycanda 26 dekabrda matəm elan olunub.
Gencexeber.az məlumat verir ki, bununla əlaqədar Gəncədə saat 12.00-da bir dəqiqəlik sükutla vəfat edən şəxslərin xatirəsi anılıb. Mərhumların ruhuna öz ehtiramlarını ifadə edənlərin arasında Gəncə Dəmiryol Vağzalının işçiləri də olub. Maşinistlər qəza qurbanlarının xatirəsini səs siqnallarından istifadə edərək yad ediblər.
Xatırladaq ki, sözügedən qəzada həlak olanlardan biri Gəncə şəhər sakini, stüardessa Hökümə Əliyevadır.
