Gəncə gəncləri intellektual oyunda biliklərini sınayıblar. Bu haqda 14 mart tarixində Gənclər Evinə istinadən məlumat veririk.
"Dostluq Kuboku" adlı intellektual yarış Mingəçevir Gənclər Evi və Gəncə Gənclər Evinin birgə təşkilatçılığı ilə baş tutub. "Nə? Harada? Nə zaman?" formatında təşkil olunan oyunda 10 komanda (“Legends”, “Mingəçevir”, “Cordyceps”, “Sonuncu Legion”, “XLV Legion”, “Gəncə”, “Dorian”, “Qartal”, “Şıxlinski”, “Vikinqlər”) mübarizə aparıb.
Suallar, əsasən, ümumi dünyagörüşünə aid olub. Yarış iki mərhələdən ibarət olub. Hər mərhələdə 12 sual səsləndirilib. 2 saat davam edən yarışın qalibi "Mingəçevir" komandası olub. "Gəncə" II , "Legends" isə III yeri tutub.
Qalib komandalar kubok, sertifikat və dəyərli hədiyyələrlə mükafatlandırılıb. Sonda iştirakçılarla xatirə şəkli çəkilib.
