Gəncə sakini oğurluq üstündə saxlanılıb. Bu haqda Gencexeber.az-a 23 iyun tarixində məlumat daxil olub.
Bakı şəhər Nərimanov Rayon Polis İdarəsinin 18-ci Polis Şöbəsinin əməkdaşları əməliyyat keçiriblər. Nəticədə Gəncə şəhər sakini İlqar Məmmədov tutulub. O, avtomobillərin şüşələrini sındıraraq, nəqliyyat vasitələrinin salonlarından telefon, noutbuk, pul kisələri və digər qiymətli əşyalar oğurlamaqda şübhəli bilinir.
Araşdırmalar zamanı onun Nərimanov rayonu ilə yanaşı, paytaxtın Yasamal və Nəsimi rayonlarında da 10-a yaxın avtomobilin şüşəsini sındırdığı müəyyən edilib. Şübhəli şəxsin törətdiyi qanunsuz əməllərin bir neçəsi müşahidə kameraları vasitəsilə də görüntülənib.
Faktla bağlı araşdırma davam edir.
