Gəncədə xarici şirkətlərlə danışıqlar aparılıb. Bu haqda 21 sentyabr tarixində Gəncə Destinasiya Menecmenti Təşkilatına istinadən məlumat veririk.
Gəncə Regional Turizm İdarəsi ilə "Amadeus GDS" və “Air Astana” şirkətləri arasında qarşılıqlı əməkdaşlıq imkanları müzakirə olunub. İdarənin rəisi Zaur Bayramov, “Amadeus GDS” şirkətinin Azərbaycan üzrə direktoru Təranə Useynova, “Air Astana” şirkətinin Azərbaycan üzrə baş meneceri Xırda Abdullayeva və “Sky Travel” şirkətinin rəhbəri İlham Vəliyev arasında işgüzar görüş keçirilib. Burada bildirilib ki, səfərin əsas məqsədi regionlarda fəaliyyət göstərən turizm şirkətləri və agentlikləri ilə tanışlıq və gələcək əməkdaşlıq əlaqələrinin qurulmasıdır.
Görüş zamanı gələcəkdə turizm və aviadaşımalar üzrə müxtəlif sahələrdə qarşılıqlı yeni əməkdaşlıq perspektivlərinin və əlaqələrinin genişləndirilməsi istiqamətində razılıq əldə olunub.
