Gəncədə növbəti quruma təyinat olub. Bu haqda 16 avqust tarixində İcra Hakimiyyətinə istinadən məlumat veririk.
Dövlət Turizm Agentliyinin əmri ilə Gəncə Regional Turizm İdarəsinə rəis seçilib. Bu vəzifəni Zaur Adil oğlu Bayramov icra edəcək.
Şəhər rəhbəri Niyazi Bayramov idarənin rəisi ilə görüşüb. Tədbirdə Gəncənin turizm potensialı və bu sahədə həyata keçirilən tədbirlərdən söz açılıb, perspektivdə duran məsələlər müzakirə edilib. İcra başçısı Zaur Bayramova öz tapşırıq və tövsiyələrini verib, ona işlərində uğurlar arzulayıb.
Qeyd edək ki, yeni yaradılan Gəncə Regional Turizm İdarəsi Gəncə də daxil olmaqla 11 bölgəni əhatə edir.
