Gəncə məktəbliləri üçün yay düşərgə proqramı təşkil ediləcək. Bu haqda məlumatı 30 iyun tarixində "Ganja American Center Facebook" səhifəsinə istinadən veririk.
ABŞ-nin Azərbaycandakı Səfirliyi və Bakı Amerika Mərkəzi məktəblilər üçün "iLearn English Summer BootCamp" yay düşərgə proqramını təqdim edir. Məqsəd məktəblilərin ingilis dilini daha maraqlı şəkildə öyrənməsi, texniki biliklərini artırması, həmçinin elm, texnologiya, mühəndislik və daha çox sahə üzrə innovasiya xarakterli biliklər əldə etməsinə yardımçı olmaqdır.
Proqramda doğum tarixi 1 sentyabr 2007-ci ildən 01 sentyabr 2010-cu ilədək olan şagirdlər iştirak edə bilərlər. Seçim ilk öncə qeydiyyat, daha sonra isə ingilis dili testi və müsahibə yolu ilə həyata keçiriləcək. Ümumilikdə Gəncə üzrə 15 iştirakçı seçiləcək.
Düşərgə 2023-ci il 12-13 avqust tarixlərini əhatə edəcək.
Seçilmiş iştirakçılar regional Amerika Guşələrində 2 günlük Yay düşərgə proqramında iştirak edəcəklər. Bütün xərclər ABŞ-nin Azərbaycandakı Səfirliyi tərəfindən ödəniləcək.
Qeydiyyatdan keçmək üçün Gəncədəki Amerika Mərkəzinə yaxınlaşmaq və ya onlayn qeydiyyatdan keçmək üçün formanı doldurmaq lazımdır:
