Gəncədə mərhum tarzənin doğum günüdür. Bu haqda 2 sentyabr tarixində İcra Hakimiyyətinə istinadən xəbər veririk.
Bu gün, 2 sentyabr mərhum Xalq artisti, tarzən Fikrət Süleyman oğlu Verdiyevin doğum günüdür. Prezident təqaüdçüsü 2 sentyabr 1947-ci ildə Gəncədə anadan olub.
O, 1990-cı ildə ansamblın bazasında Gəncə Dövlət Filarmoniyasını yaradıb və onun nəzdində “Göygöl” mahnı və rəqs ansamblından başqa, notlu xalq çalğı alətləri orkestrini və kamera orkestrini yaradıb. Sənətkar, həmçinin 2001-ci ildə Dövlət Neft Şirkətinin Neft Emalı Zavodunun nəzdində “Neftçi” mahnı və rəqs ansamblını formalaşdırıb.
Fikrət Verdiyev məşhur xanəndə, muğam ustası Xan Şuşinskinin qızı ilə ailə qurub.
Tarzən 22 dekabr 2022-ci il tarixində 75 yaşında vəfat edib.
