Gəncə Dövlət Universitetinin Fəxri professoru dünyasını dəyişib. Bu haqda 15 avqust tarixində GDU-ya istinadən məlumat veririk.
Ali təhsil müəssisəsinin Kimya-biologiya fakültəsinin professoru olan Heydər Kərimov vəfat edib.
Heydər Kərimov 10 mart 1947-ci ildə Gəncə şəhərində ziyalı ailəsində anadan olub. 2001-ci ildən 2016–cı ilin mart ayınadək GDU-nun Kimya kafedrasında dosent vəzifəsində, 2016-cı ildən 2023-cü ilədək isə Fəxri professor vəzifəsində çalışıb.
Ümumilikdə 250-dən çox elmi və elmi-pedaqoji əsərləri çap olunub. Onun 28 səmərələşdirici təklifi kənd təsərrüfatına tətbiq olunaraq məhsuldarlığın artırılması hesabına 2,6 milyon manatdan çox xeyir vermişdir. Bunu təsdiq edən ikitərəfli ekspert aktları verilib.
Kərimov Universitet Elmi Şurasının, Gəncə şəhər Ağsaqqallar Şurası Rəyasət Heyətinin üzvü olub.
Allah rəhmət eləsin!
