Gəncə şəhərində "Əlilliyi olan qadın və qızların ictimai xidmətlərə çıxışının təkmilləşdirilməsi” layihəsi təşkil edilib. Bu haqda 26 yanvar tarixində Gəncə şəhər Gənclər və İdman Baş idarəsi məlumat paylaşıb.
“Əlil Qadınlar Cəmiyyəti” İctimai Birliyi tərəfindən və BMT-nin Etimad Fondunun dəstəyi ilə keçirilən layihə ilk olaraq 26 yanvar Gəncədə keçirilib. Tədbirdə Gəncə şəhər Gənclər və İdman Baş idarəsinin əməkdaşı Elza Hümbətova iştirak edib.
Layihənin ümumi məqsədi əlilliyi olan qadınlar və qızlar üçün ictimai xidmətlərin əlçatanlığını və keyfiyyətli olmağını təmin etməkdir.
Qeyd edək ki, layihə Bakı, Gəncə şəhərləri, Quba, Qusar, Xaçmaz rayonlarını əhatə edəcək. Layihə 2025-ci ilin avqust ayınadək icra olunacaq.
