Gəncə təmsilçisi final mərhələsini başa vurub. Bu haqda 31 may tarixində basketbol federasiyasına istinadən məlumat veririk.
Azərbaycan Basketbol Liqasında final seriyasının sonuncu, beşinci oyunu keçirilib. “Sabah” və “Gəncə” komandaları “Sərhədçi” İdman Mərkəzində üz-üzə gəliblər.
Matçın əsas vaxtında hesab 80:80 olduğu üçün qalib müəyyənləşməyib. Əlavə vaxtda "Sabah" “sarı-göyləri” 86:85 hesabı ilə üstələyib.
Beləliklə, ölkə çempionunun adı bəlli olub. “Sabah” BK birinci, “Gəncə” BK isə ikinci yerə layiq görülüb.
