Gəncə təmsilçisi rəqibini məğlub edib. Bu haqda 15 mart tarixində basketbol klubuna istinadən məlumat veririk.
Azərbaycan Basketbol Liqasının XVI turu çərçivəsində “Gəncə” BK “Zirvə Astara” BK ilə qarşılaşıb. Matç Sərhədçi İdman Mərkəzində baş tutub. Təmsilçimiz rəqibi üzərində 109:104 hesablı qələbə qazanıb.
Beləliklə, “Gəncə” BK turnir cədvəlinin 3-cü pilləsinə yüksəlib. Qarşılaşmanın ən məhsuldar basketbolçuları Cared Smol ("Gəncə BK", 32 xal, 8 ribaund) və Derin Conson ("Zirvə Astara BK", 24 xal, 4 ribaund) olublar.
