Gəncədə zavodlardan birinin xalis mənfəəti artıb. Bu haqda 25 avqust tarixində Report-a istinadən məlumat veririk.
Gəncə Avtomobil Zavodunun (GAZ) mənfəəti açıqlanıb. Bildirilir ki, İstehsalat Birliyi 2022-ci ili 6,133 milyon manat xalis mənfəətlə başa vurub. Bu göstərici 2021-ci illə müqayisədə 3 dəfə çoxdur.
Ötən il GAZ-nin satışdan gəliri 156,081 milyon manat (əvvəlki ilə nisbətən 83,9 % çox), satışının maya dəyəri 138,595 milyon manat (78,5 % çox), kommersiya xərcləri 3,181 milyon manat (2,1 dəfə çox), inzibati xərcləri 3,625 milyon manat (36,6 % çox), sair əməliyyat xərcləri 3,014 milyon manat (5,7 dəfə çox), mənfəət vergisi ödəmələri isə 1,533 milyon manat (3 dəfə çox) təşkil edib.
Bu il yanvarın 1-nə zavodun aktivləri 88,742 milyon manat olub. Bu da illik müqayisədə 9,2 % çoxdur. Hesabat dövründə şirkətin öhdəlikləri 0,3 % azalaraq 65,931 milyon manata, balans kapitalı isə 27,9 % azalaraq 22,811 milyon manata düşüb.
