Gəncədə daşmış göldə suyun səviyyəsi endirilib. Bu haqda 23 iyun tarixində FHN-ə istinadən məlumat veririk.
Heydər Əliyev parkının ərazisində yaradılmış süni göldə suyun səviyyəsinin yenidən artması ilə əlaqədar ətraf ərazilər üçün yaranmış təhlükənin aradan qaldırılması istiqamətində tədbirlər davam etdirilir. Gecə saatları da daxil olmaqla fasiləsiz həyata keçirilən tədbirlər nəticəsində göldə suyun səviyyəsini təxminən 80sm-ə qədər endirmək və su bəndinə olan təzyiqi azaltmaq mümkün olub. Təhlükənin tam aradan qaldırılması istiqamətində tədbirlər hazırda davam etdirilir.
Əməliyyata FHN-in Gəncə Regional Mərkəzi, Xüsusi Riskli Xilasetmə Xidməti və Mülki müdafiə qoşunlarının ümumilikdə 31 nəfərdən ibarət şəxsi heyəti, 9 motopompa və 3 texnikası cəlb olunub.
