BMT-nin rəsmisi Gəncəyə səfər edib. Bu haqda 24 avqust tarixində ADAU-ya istinadən məlumat veririk.
Muhammad Nasar Hayat BMT-nin Ərzaq və Kənd Təsərrüfatı Təşkilatının (FAO) Azərbaycandakı Tərəfdaşlıq və Əlaqələndirmə Ofisinə yeni rəhbər təyin olunub. Onun rəhbərlik etdiyi nümayəndə heyəti Azərbaycan Dövlət Aqrar Universitetinə (ADAU) baş çəkib. Universitetin rektor vəzifəsini icra edən Zəfər Qurbanov ADAU-nun maddi-texniki bazası, beynəlxalq əlaqələri və ikili diplom proqramları haqqında məlumat verib. O bildirib ki, bu il universitetin 100-dən çox tələbəsi Erasmus+ proqramı çərçivəsində Avropanın müxtəlif ölkələrinə təhsil almaq üçün göndəriliblər. FAO ilə birgə həyata keçirilən layihələr barədə məlumat verilib.
M.N. Hayat Aqrar Universitetdə olmaqdan məmnun olduğunu bildirib. Görüş çərçivəsində əməkdaşlıq perspektivləri, mütəxəssis mübadiləsi və birgə layihələrin həyata keçirilməsi məsələləri də müzakirə edilib.
Sonda qonaqlar Universitetin müasir laboratoriyalarına, Tələbə parkına, tələbə evlərinə və heyvandarlıq təsərrüfatlarına baş çəkiblər.
