Göygöldə bədbəxt hadisə baş verib.
Report-un verdiyi məlumata əsasən, insident rayonun Aşıqlı kəndində qeydə alınıb. 49 yaşlı kənd sakini Adil Məmmədovu sentyabr ayının əvvəllərində həyətyanı sahəsində işləyərkən əqrəb sancıb.
İki gün sonra onun halı pisləşib və xəstəxanaya aparılıb. Müalicəsi bir ay davam etdirilsə də, onun həyatını xilas etmək mümkün olmayıb.
Qeyd edək ki, Məmmədov həmin hadisəyədək Göygöl rayon Toğanalı kənd orta məktəbində gənclərin hərbi hazırlığı fənnini tədris edib.
