Gəncə şagirdləri respublika müsabiqəsinə qatılıblar. Bu haqda 13 iyun tarixində RUGİM-ə istinadən məlumat veririk.
Elm və Təhsil Nazirliyinin dəstəyi, Ekologiya və Təbii Sərvətlər və Kənd Təsərrüfatı Nazirliklərinin əməkdaşlığı, Respublika Uşaq-Gənclər İnkişaf Mərkəzinin təşkilatçılığı ilə “Ekoloji təmiz məhsul və aqrobiomüxtəliflik” V respublika müsabiqəsinin zona mərhələsi keçirilib. Bura Gəncə ilə yanaşı, Göygöl, Naftalan, Goranboy, Samux rayonlarından qeydiyyatdan keçən dərnək üzvləri qatılıblar.
Onlar apardıqları müşahidələr, aqrotexniki tədbirlər və becərilən kənd təsərrüfatı bitki sortları, heyvan cinsləri haqqında məlumatları, fotoşəkilləri münsiflər heyətinə təqdim ediblər.
Zona mərhələsindən 50-dən artıq bal toplayan iştirakçılar oktyabr-noyabr aylarında keçirilməsi nəzərdə tutulan finala vəsiqə qazanacaqlar.
