Son günlər hava şəraitinin qeyri-sabit və yağıntılı keçməsi şəhər ərazisində yabanı otların sürətlə inkişafına zəmin yaradıb.
Gencexeber.az məlumat verir ki, Mənzil Kommunal Təsərrüfatı İstehsalat Birliyinin müvafiq şöbələri tərəfindən Ekoloji Park Kompleksin ərazisində geniş təmizlik işləri görülüb.
Belə ki, qurumun Yaşıllaşdırma şöbəsinin əməkdaşları tərəfindən istirahət məkanının yaşıllıq zolağında, yol və piyada səkilərinin kənarında yabanı halda bitən alaq otları tamamilə biçilərək təmizlənib. Bundan başqa Ekoloji Park Kompleksinin Oranjereya binasının ətrafında mövcud qazon sahəsi də biçilib, ərazidə mövcud olan yaşıllıq zolağına aqrotexniki qulluq göstərilib, suvarılması təmin edilib.
