Cari ilin III rübündə Azərbaycan əhalisinin borclanma səviyyəsi üzrə uzunmüddətli diffuziya indeksi 2023-cü ilin eyni rübü ilə müqayisədə 10 faiz bəndi artaraq 23 faiz təşkil edib.
Gencexeber.az bildirir ki, bu barədə Azərbaycan Mərkəzi Bankının (AMB) “Kreditləşmə fəaliyyətinə dair sorğu”sunda bildirilib.
Respondent bankların 75 faizinin məlumatına görə əhalinin borclanma səviyyəsində dəyişiklik olmayıb. Digər 25 faizii isə orta dərəcədə artım olduğunu qeyd ediblər.
Əhalinin borclanma səviyyəsi üzrə uzunmüddətli diffuziya indeksinin ən yüksək göstəricisi isə 2022-ci ilin II rübündə (29 faiz) olub.
Report.az xəbər verir ki, bu il noyabrın 1-nə Azərbaycan bank sektorunda istehlak kreditlərinin həcmi illik müqayisədə 22,6 faiz artaraq 8 milyard 277,8 milyon manata çatıb.
Hesabat dövründə vaxtı keçmiş istehlak kreditlərinin həcmi 256 milyon manat olub ki, bu da, 2023-cü ilin eyni dövrünə nisbətən 26,6 faiz çoxdur.
