Qazaxlı döyüşçü beynəlxalq yarışın qalibi olub.
Gencexeber.az məlumat verir ki, Gürcüstanın Qardabani şəhərində kikboksinq və MMA üzrə beynəlxalq turnir keçirilib. Yarışda 15 ölkənin – Azərbaycan, Türkiyə, Gürcüstan, Ermənistan, Özbəkistan, Qırğızıstan, Qazaxıstan, Türkmənistan, Rusiya, Ukrayna, Moldova, Belarus, İran, Bolqarıstan və Rumıniya təmsilçiləri iştirak ediblər.
Turnirin dramatik finalında qazaxlı MMA döyüşçüsü, Daxili İşlər Nazirliyinin Çevik Polis Alayının əməkdaşı Kazbek Məmmədov inamlı qələbə qazanaraq çempion adını qazanıb. Onun rəqibi Gürcüstanı təmsil edən erməni əsilli döyüşçü olub.
Kazbek Məmmədov öz qələbəsini Azərbaycan şəhidlərinə həsr edib. Bu da bu zəfərə xüsusi simvolizm əlavə edib. İdmançımız əməkdar idman ustası Elçin Hüseynovun rəhbərliyi altında yarışa qatılıb.
