Bu ilin yanvar-aprel aylarında dövlət qurumlarına 368 kiberhücum indikatoru (IOC) müəyyən edilib.
Report.аz-a Xüsusi Rabitə və İnformasiya Təhlükəsizliyi Dövlət Xidmətindən verilən məlumatlara əsasən, bu, ötən ilin eyni dövrü ilə müqayisədə 0,8 % azdır.
Kibertəhdidlərin 264-ü daxili araşdırma, 107-si isə dövlət qurumlarından daxil olmuş insidentlərin araşdırılması əsasında müəyyən olunaraq bloklanıb.
Təkcə apreldə isə 94 kiberhücum müəyyən olunub ki, bu da 1 il əvvələ nisbətən 16 % çoxdur.
2025-ci ildə dövlət qurumlarına 850 kiberhücum qeydə alınıb ki, bunun da 372-si daxili araşdırma, 478-i isə dövlət qurumlarından daxil olmuş insidentlərin araşdırılması əsasında müəyyən olunaraq bloklanıb.
