Gəncədə idmançılar və məşqçilərlə görüş keçirilib. Bu haqda 23 avqust tarixində Regional Gənclər və İdman İdarəsinə istinadən xəbər veririk.
Gəncə-Daşkəsən Regional Gənclər və İdman İdarəsinin rəisi İntiqam Hüseynov Avropa, Dünya və II MDB çempionatında yer tutmuş idmançılar və onların məşqçiləri ilə görüşüb. Hüseynov idmançıları təbrik edib və gələcək yarışlarda onlara uğurlar arzulayıb.
Daha sonra Belarusiyanın Minsk şəhərində keçirilən II MDB Oyunlarında sərbəst güləş üzrə II yer tutmuş Abdullazadə Ayxan və onun məşqçi müəllimi Hafiz Abdullayev, Türkiyənin İstanbul şəhərində baş tutan sərbəst güləş üzrə yarışmada III yer tutmuş Abbasov Camal və onun məşqçi müəllimi Vüsal Qarayev "Fəxri Diplom" və "Təşəkkürnamə" ilə təltif olunublar.
