Dövlət İmtahan Mərkəzi (DİM) tərəfindən müntəzəm olaraq regionlarda yerləşən məktəblərə müxtəlif vəsaitlər hədiyyə olunur.
Gencexeber.az bildirir ki, Gəncə də daxil olmaqla regional bölmələrə ümumilikdə 146 adda 105253 ədəd vəsait göndərilib. Sözügedən nəşrlərə test topluları, siniflər üzrə qiymətləndirmə tapşırıqları, metodik vəsaitlər və digər tədris yönümlü kitablar daxildir. Göndərilmiş vəsaitlər regional bölmələrin əməkdaşları tərəfindən mərhələli şəkildə regionlarda fəaliyyət göstərən ümumtəhsil müəssisələrinin kitabxanalarına təqdim olunub.
