Ödəmə terminalının qarşısında dava salan şəxs tutulub. Bu haqda 1 iyun tarixində DİN-nin Mətbuat Xidmətinə istinadən məlumat veririk.
Gəncə regional qrupunun baş inspektoru polis kapitanı Eşqin Qasımov bildirib ki, şəhər sakini Emin Məmmədovun sağ gözünün alt və üst qapaqlarının cırılmış yaraları, buynuz qişasını dəlib keçən zədələrin olması, möhtəviyatın tökülməsi ilə xəsarət alması barədə məlumat daxil olub.
Araşdırmalar zamanı məlum olub ki, şəhər sakininə Elçin Fərhadzadə aralarında yaranmış mübahisə zamanı yumruqla xəsarət yetirib. Onun barəsində qəsdən sağlamlığa ağır zərər vurma maddəsi ilə cinayət işi başlanıb.
