Gəncədə növbəti təyinat olub. Bu haqda 24 avqust tarixində İcra Hakimiyyətinə istinadən məlumat veririk.
Səfərbərlik və Hərbi Xidmətə Çağırış üzrə Dövlət Xidmətinin Gəncə şəhər Nizami rayon şöbəsinə rəis seçilib. Bu vəzifənin icrası polkovnik Yalçın Sadıqlıya həvalə olunub.
İcra başçısı Niyazi Bayramov polkovniklə görüşüb. O qeyd edib ki, Səfərbərlik və Hərbi Xidmətə Çağırış üzrə Dövlət Xidməti hərbi strukturlar içərisində mühüm xidmətlərdəndir. Şəhər rəhbəri Yalçın Sadıqlıya işlərində uğurlar arzulayıb.
Qeyd edək ki, Yalçın Həsənbala oğlu Sadıqlı 19 fevral 1975-ci ildə Gəncədə anadan olub. O, bundan əvvəl Səfərbərlik və Hərbi Xidmətə Çağırış üzrə Dövlət Xidmətinin Şəki rayon şöbəsinin rəisi vəzifəsində çalışıb.
