Yanvarın 25-i saat 9:00-a olan faktiki hava açıqlanıb.
Gencexeber.az-a Milli Hidrometeorologiya Xidmətindən verilən məlumata görə, yanvarın 25-i saat 9:00-a olan məlumata əsasən ölkə ərazisində hava şəraiti əsasən yağmursuz keçib. Lakin gecə saatlarında bəzi qərb rayonlarında arabir yağıntılı olub, dağlıq ərazilərdə qar yağıb.
Yağan qarın hündürlüyü Daşkəsəndə 1 sm-dir.
Naftalan, Şəmkir, Yevlaxda duman müşahidə olunub. Dumanda görünüş 50-200 metrədək məhdudlaşıb.
Havanın minimal temperaturu Aran rayonlarında 1 dərəcə şaxtadan 4 dərəcəyədək isti, dağlıq rayonlarda 8 dərəcəyədək şaxta qeydə alınıb.
