Gəncədə ekologiyanın çirkləndirilməsi ilə bağlı cinayət işi açılıb. Bu haqda Gencexeber.az-a 7 iyul tarixində məlumat daxil olub.
Daxili İşlər Nazirliyinin Baş İctimai Təhlükəsizlik İdarəsi əməkdaşları sanitariya-gigiyena qaydalarının pozulması hallarının qarşısının alınması məqsədilə əməliyyat keçiriblər. Nəticədə şəhər ərazisində çirkabın torpağa axıdılması faktı aşkar olunub.
Hadisə ilə bağlı 5 nəfər barəsində inzibati tənbeh tədbiri tətbiq olunub. Onlar İnzibati Xətalar Məcəlləsinin 262.2.3-cü (içməli, məişət, texniki və tullantı sularının kənara (çöllərə, küçələrə, rabitə və enerji kommunikasiya şəbəkələrinə) təyinatsız axıdılmasına görə) maddəsinin tələblərini pozublar.
