Bakı-Qazax-Gürcüstan avtomobil yolunun Göygöl rayonunun Quşqara kəndindən keçən hissəsində qəza baş verib.
Gencexeber.az-ın məlumatına görə, "Chevrolet Cruze" və "VAZ-2106" markalı avtomobillərin toqquşması nəticəsində bir neçə nəfər xəsarət alıb.
İlkin məlumata əsasən, "VAZ-2106"-da olan Nadil kənd sakinləri – 1993-cü il təvəllüdlü Orxan Həsənli və onun qardaşı Tərxan Həsənli müxtəlif bədən xəsarətləri ilə xəstəxanaya çatdırılıblar. Qəza zamanı "Chevrolet Cruze" markalı avtomobilin sürücüsü, 1991-ci il təvəllüdlü Eliyar Əmirzadə də xəsarət alıb.
Yaralılara ilkin tibbi yardım göstərilib, onların müalicəsi davam etdirilir.
Faktla bağlı araşdırma başlanılıb.
