Ali Məhkəmədə qəsdən sağlamlığa ağır zərər vurmada və xuliqanlıqda təqsirləndirilən Babək Əsgərovun barəsindəki qərardan verilən kassasiya şikayəti üzrə məhkəmə iclası başa çatıb.
Pravda.аz xəbər verir ki, ittihama görə, hadisə 3 iyul 2023-cü il tarixdə, saat 23 radələrində Tərtər rayonu, Səhləbad kəndi ərazisində qeydə alınıb.
Belə ki, rayon sakini Babək Əsgərov çayxananın qarşısında kiçik futbol meydançasının yaxınlığında rayonun Qazyan kənd sakini, 1993-cü il təvəllüdlü, zərərçəkmiş Umud Bəşirliyə (adı, soyadı şərtidir) üzərində gəzdirdiyi bıçaqla xəsarət yetirib.
Gəncə Ağır Cinayətlər Məhkəməsinin hökmü ilə o, 7 il 6 ay müddətinə azadlıqdan məhrum edilib. Gəncə Apellyasiya Məhkəməsinin qərarına əsasən, şikayət təmin edilməyib.
Ali Məhkəmədə hakim Nazim Mövsümovun sədrliyi ilə keçirilən prosesdə kassasiya şikayəti üzrə qərar elan olunub.
Qərara əsasən, kassasiya şikayəti təmin edilməyib.
