Xəbər verdiyimiz kimi, Ağstafa rayonunun Tatlə kəndində fermer Elsəvər Məmmədovun fermasına canavarların hücumu olub.
Gencexeber.az-ın məlumatına əsasən, bu gün Ağstafa rayon Dövlət Baytarlıq Xidmətinin əməkdaşları fermaya baş çəkiblər. Ərazidə dezinfeksiya, əlavə profilaktik işlər aparılıb. Tələf olan heyvanlar basdırılıb.
Məlumat üçün qeyd edək ki, canavarların hücumu zamanı fermerə məxsus 80-ə yaxın xırdabuynuzlu heyvanın 50 başı parçalanıb. Canavarlar 3 baş qoyunu tam yeyiblər, digərlərini öldürüb və yaralayıblar.
