21 yanvar igidimiz Nurlan Bağırovun anadan olduğu gündür.
Nurlan Bağırov 21 yanvar 2001-ci ildə Gəncə şəhərində doğulub. 2019-cu ildə Gəncə şəhərində yerləşən 28 nömrəli orta məktəbi bitirib. Vətən müharibəsində iştirak edən fəxrimiz “N” saylı hərbi hissənin əsgəri kimi Füzuli rayonu uğrunda gedən döyüşlərdə iştirak edib.
Əsgər Nurlan Bağırov 25 oktyabr 2020-ci ildə Füzuli rayonu ərazisində gedən döyüşlərdə şəhadətə ucalıb. 26 oktyabr 2020-ci ildə Gəncə şəhərinin Şəhidlər xiyabanında torpağa tapşırılıb.
O, ölümündən sonra “Vətən uğrunda”, “Füzulinin azad olunmasına görə” və “Xocavəndin azad olunmasına görə” medalları ilə təltif olunub.
