Mehriban Əliyeva 26 avqust 1964-cü ildə Bakıda anadan olub. O, Azərbaycanın tanınmış alimi fizika-riyaziyyat elmləri doktoru Arif Paşayevin qızıdır.
Mehriban Əliyeva 1981-ci ildə Bakının 23 №-li orta məktəbini bitirərək Nəriman Nərimanov adına Azərbaycan Dövlət Tibb İnstitutunun müalicə-profilaktika fakültəsinə daxil olub. Sonra təhsilini İ.M.Seçenov adına Birinci Moskva Dövlət Tibb İnstitutunda davam etdirib.
Mehriban Əliyeva Azərbaycan Mədəniyyət (1995) və Heydər Əliyev (2004) Fondlarının, “Azərbaycan - İrs” jurnalının təsisçilərindən biridir və hazırda onların rəhbəridir.
Əliyeva Azərbaycan, İtaliya, Fransa, Serbiya, Polşa, Rusiya və başqa ölkələrin orden və digər mükafatları ilə təltif olunub, həmçinin UNESCO-nun və İSESCO-nun Xoşməramlı səfiri adlarına layiq görülüb.
Mehriban Əliyeva 2017-ci ildə Azərbaycan Respublikasının Birinci vitse-prezidenti vəzifəsinə təyin olunub. O, Azərbaycan tarixində bu vəzifəyə layiq görülmüş ilk qadındır.
