Gəncədə daha bir birincilik təşkil olunub. Bu haqda 30 aprel tarixində Kəpəz televiziyasına istinadən məlumat veririk.
Şəhərimizdə boks üzrə kadetlər arasında zona birinciliyi baş tutub. Tədbir Gəncə Olimpiya İdman Kompleksində keçirilib. Yarışda 11 şəhər və rayondan 12 komanda iştirak edib. Burada Gəncə ilə yanaşı, Ağstafa, Tovuz, Qazax, Şəmkir, Naftalan, Goranboy, Tərtər, Ağcəbədi, Gədəbəy və Göygöl idmançıları mübarizə aparıblar. Birincilikdə 17 çəki dərəcəsində 81 boksçu final mərhələsinə vəsiqə qazanmağa çalışıb.
Sonda hər çəki üzrə ilk üç yerin sahibləri Bakıda keçiriləcək yekun mərhələdə iştirak hüququ əldə ediblər.
