Gəncədə yanğın hadisəsi baş verib. Bu haqda 30 may tarixində FHN-ə istinadən məlumat veririk.
Hadisə ümumi sahəsi 120 kvadratmetr olan birmərtəbəli evdə qeydə alınıb. Evin mətbəxində mebel, 1 ədəd aspirator və 1 ədəd qaz sobası yanıb. Yüksək temperaturdan mətbəxin 20 kvadratmetr sahədə lambirdən ibarət tavanı əriyib.
Əraziyə Fövqəladə Hallar Nazirliyinin yanğından mühafizə bölmələri cəlb olunub. Yanğın söndürülüb. Mənzilin qalan hissəsi alovdan mühafizə olunub.
