Gəncədə şəhid övladları ilə görüş baş tutub. Bu haqda 5 sentyabr tarixində İcra Hakimiyyətinə istinadən məlumat veririk.
Yeni tədris ilinin başlanması münasibətilə YAP Gəncə şəhər təşkilatında şəhidlərimizin 1-ci sinfə gedən övladları ilə görüş keçirilib. Tədbirə icra başçısı Niyazi Bayramov, YAP Gəncə şəhər təşkilatının sədri Bayram Aslanov, millət vəkilləri, İcra Hakimiyyəti başçısı Aparatının məsul əməkdaşları, şəhid ailələri və övladları qatılıblar.
Millət vəkili Pərvin Kərimzadə və Müşfiq Cəfərov şəhidlərimizin məktəbli övladlarını yeni tədris ilinin başlanması münasibətilə təbrik ediblər. Burada şəhid övladlarına məktəbli çantaları və müxtəlif dərs ləvazimatları təqdim olunub.
Sonda xatirə şəkilləri çəkdirilib.
