Gəncədə rəsmi şəxslərin iştirakı ilə konfrans baş tutub. Bu haqda 11 sentyabr tarixində Regional Təhsil idarəsinə istinadən xəbər veririk.
Gəncə-Daşkəsən Regional Təhsil İdarəsi üzrə təhsil işçilərinin sentyabr konfransı keçirilib. Burada elm və təhsil nazirinin müavini Firudin Qurbanov, icra başçısı Niyazi Bayramov, millət vəkili Pərvin Kərimzadə, nazirliyin Ümumi və məktəbəqədər təhsilin təşkili və idarəolunması şöbəsinin müdir müavini Orxan Abbasov, Gəncə-Daşkəsən Regional Təhsil İdarəsinin müdiri Anar Qədiməliyev, Gəncə şəhəri, Goranboy, Naftalan, Göygöl, Samux, Daşkəsən rayonları üzrə təhsil sektorlarının əməkdaşları, həmin rayonlarda çalışan pedaqoji heyət və digər qonaqlar iştirak ediblər.
Tədbirdə bir sıra rəsmilər çıxış ediblər. Onlar Azərbaycanda təhsilin inkişafına göstərilən dövlət qayğısından danışıblar.
Konfransda “Birlik” xor kollektivi müxtəlif musiqi nömrələri səsləndirib. Daha sonra 2022–2023-cü tədris ilində səmərəli fəaliyyətinə görə bir qrup təhsil işçisi təltif olunub.
