Gəncədə gənclər üçün növbəti layihə həyata keçiriləcək. Bu haqda Gencexeber.az-a 29 avqust tarixində məlumat daxil olub.
"Joint Civic Development " (Birgə Vətəndaş İnkişafı) platformasının təşəbbüsü və "Youth Advisory Club"ın (Gənclərin Məşvərət Klubu) təşkilatçılığı ilə “EENCE Citizenship Education Caravan Azerbaijan 2023” layihəsi fəaliyyət göstərəcək. Məqsəd 16-35 yaş arası gənclərlə xarici ekspertlərin müxtəlif mövzular üzərində təlimlər təşkil edərək bölgələr üzrə maarifləndirmənin inkişafını təmin etməkdir. Burada Azərbaycan, Belarus, Gürcüstan, Rusiya, Ukrayna və İngiltərədən qoşulacaq mütəxəssislər bir araya gələcəklər. Layihə gənclərin ideya və təcrübələrin mübadiləsi üçün bir mühit yaratmağa nail olmaqla yanaşı, bölgələrdə inkişafın davamlılığına yol açacaq.
Layihə çərçivəsində Nizami yurdunda 7 sentyabr "Az təcrübəli təlimçilər üçün təlim (ToT)" mövzusunda görüş baş tutacaq. Son müraciət tarixi 5 sentyabrdır. İştirak ödənişsizdir.
Qatılmaq üçün qeydiyyatdan keçmək vacibdir.
Əlavə məlumat üçün (070) 355 50 13; (051) 933 73 44 nömrələri ilə əlaqə saxlamaq lazımdır.
