Gəncədə vətəndaş qəbulu keçiriləcək. Bu haqda 3 oktyabr tarixində Baş Prokurorluğa istinadən məlumat veririk.
Baş prokuror Kamran Əliyev Nizami yurduna səfər edəcək. O, 10 oktyabr saat 10:00-da şəhər sakinlərini qəbul edəcək. Vətəndaşlarla görüş Gəncə şəhər prokurorluğunun inzibati binasında baş tutacaq.
Qəbulla bağlı qeydiyyat şəhər prokurorluğu tərəfindən həyata keçiriləcək. Bunun üçün vətəndaşlar yazılı və ya şifahi müraciət etməklə yanaşı, Baş Prokurorluğun Sənədlərlə və müraciətlərlə işin təşkili idarəsinin (012) 361-14-07 nömrəli telefonu, contact@prosecutor.gov.az elektron ünvanı, həmçinin prokurorluğun sosial şəbəkələrdəki səhifələri (instagram, facebook və X) vasitəsilə də qəbula yazıla bilərlər.
